Դատախազ Մօրէնօ Օքամփօ Հայ Կեդրոնի Մէջ

IMG_5210[1]Իրաւագէտ Լուիս Մօրէնօ Օքամփօ որ՝ Արժանթինի մէջ ծանօթ  անուն մը եղաւ  որպէս դատախազ՝|| զինուորական Խունթայի դատավարութեան ժամանակ եւ որպէս աւագ դատախազ Լա Հայի Պատժական Միջազգային ատեանին, պաշտօն մը զոր  վարեց  2003էն մինչեւ 2012, երէկ այցելեց Հայ Կեդրոն  մօտէն ծանօթանալու համար  հայ գաղութին:
Դատախազը ընդունուեցաւ թեմիս  Առաջնորդ՝  Գիսակ . Արք. Մուրատեանի եւ Հայ Կեդրոնի նախագահ՝ Տք. Ալպերթօ  Ճերէճեանի կողմէ , որոնք իրեն հետ մտան Ս. Գրիգոր Լուսաւորիչ Մայր Տաճար եւ  պատմեցին եկեղեցւոյ շինութեան  եւ Արժանթին հասնող առաջին հայ գաղթականներուն մասին:  Անոնք ջարդէն վերապրած եւ թրքական բարբարոսութիւններէն ազատած, հազիւ  տեղաւորուած՝ իրենց   առաջին մտահոգութիւնը եղած էր ունենալ սեփական եկեղեցի մը եւ հայկական հաւաքավայր մը:
IMG_5217Դատախազը մեծ հետաքրքութեամբ մտիկ ըրաւ այս ափերը հաստատուած   գաղթականներուն պատմութիւնը:
Ապա բոլորը միասին ճաշեցին Առաջնորդարանին մէջ, ուր յաւելեալ ծանօթութիւններ տրուեցան մեր գաղութի կառոյցներուն  եւ մեր հայրենիքին մասին:
Մօրէնօ Օքամփօ պիտի մասնակցի Ցեղասպանութեան Հարիւրամեակի ծիրին մէջ  կայանալիք լրագրողներու համաշխարհային համագումարին, որ տեղի պիտի  ունենայ այս ամիս Երեւանի մէջ:
Compartir