«Ոսկե ծիրանն» այս տարի եւս կունենա աշխարհահռչակ հյուրեր

Ոսկե ծիրան» միջազգային 12-րդ կինոփառտոնի հատուկ հյուրերն են   համաշխարհային կինոյի աստղեր  Նաստասյա Կինսկին  և Օռնելա Մուտին: Հայ հանդիսատեսին  վերջինն առավեապես ծանոթ է   «Կամակոր տղամարդու սանձահարումը»  կատակերգական ֆիլմից, որտեղ նրա խաղընկերն է  Ադրիանո Չելենտանոն:

Նաստասյա Կինսկիին համաշխարհային ճանաչում բերեց  Ալբերտո  Լատուադայի «Եղիր, ինչպես կաս» ֆիլմը, ապա Ռոման Պոլանսկու   «Ոսկե գլոբուսդի» մրցանակակիր «Թես» ֆիլմը: Կինսկիի մասնակցությամբ   առավել հայտնի ֆիլմերից է  նաև Վիմ Վենդերսի  Կաննի մրցանակակիր «Փարիզ ,  Թեքսաս»- ը:

«Ոսկե ծիրան»- ի այս տարվա հետահայաց ցուցադրությունների ծրագիրը նվիրված է Նաստասյա Կինսկիի ֆիլմերին: Նշենք, որ փառատոնի շրջանակներում  Երևան կժամանի նաև  ֆրանսիացի դերասան  և ռեժիսոր  Պատրիկ Շենեն: Կկայանա  նրա մասնակցությամբ  Ստեֆան Բրիզեի «Ես սիրվելու համար չեմ այստեղ» ֆիլմի պրեմիերան:

Նշենք, որ «Ոսկե ծիրան» կինոփառոտնի կազմակերպական ակտիվ աշխատաններից զատ փառատոնի տնօրեն Հարություն Խաչատրյանն այս օրերին հասցնում է վայելել նաև իր 60-ամյակին նվիրված անակնկալները: Մոսկովյան 37-րդ  միջազգային կինոփառատոնի  շրջանակներում  հունիսի 25-ին կայացավ ռեժիսորի հոբեյլանին նվիրված ստեղծագործակակն երեկոն, որի ընթացքում նրան հանձվեցին երկու մրցանակներ:

Մոսկվայի կինոփառատոնը Հարություն Խաչատրյանին հանձնեց  մրցանակ  կինոարվեստի և հայ-ռուսական մշակութային համագործակցության  ոլորտում ունեցած մեծ ավանդի համար:  Ռուս կինոգետների և կինոքննադատների գիլդիան իր հերթին ռեժիսորին  պարգևատրեց հեղինակավոր «Փիղ» մրցանակով՝ համաշխարհային կինոյում ունեցած մեծ ավանդի և «Ոսկե ծիրան» միջազգային կինոփառատոնի հիմնադրման համար:  Երեկոյի ընթացքում ցուցադրվել և մեծ ոգևորությամբ է ընդունվել Խաչատրյանի 26 տարի առաջ նկարահանած «Քամին  ունայնության» ֆիլմը:

«Քամին ունայնության» ֆիլմի կերպարները, որոնց ռեժիսորը  հետևել և պարբերաբար,  նկարահանել շուրջ 25 տարի , հանդիսանում են  նրա «Անվերջ փախուստ, հավերժ վերադարձ» հեղինակային կինոշարքի  առանձին հերոսները:

Նշենք, որ չնայած Ռուսաստանում թուրքական դեսպանատան ակտիվ միջամտությանը, մոսկովյան կինոփառոտնի շրջանակներում իրականացվել է նաև Հայոց ցեղասպանության 100-ամյակին նվիրված «Այլևս երբեք» ծրագիրը։ Ցեղասպանությանը նվիրված նման  ծրագրերը պետք է լինեն շարունակական, մինչև աշխարհը կընդունի ճշմարտությունը,- ասում է Հարություն Խաչատրյանը։

(Armradio.am)

Compartir