Պատարագ Ցեղասպանութեան Զոհերու Յիշատակին

DSC_5212Երէկ հինգշաբթի Մարտ 19ի երեկոյեան՝ մայրաքաղաքի Մեթրոփոլիթանօ տաճարին մէջ, հոծ բազմութեան ներկայութեան Սուրբ Պատարագ մատուցեց Կարտինալ Մարիօ Փօլի Արք. Պուէնոս Այրէսի եւ Առաջնորդ Արժանթինի, յարգելով յիշատակը Ցեղասպանութեան զոհերուն:
Հայ գաղութը  բերնէ բերան լեցուցած էր ընդարձակ տաճարը, ու ր կային նաեւ այլ  գաղութներէ անհատներ : Հրաւիրուած էին Հայաստանի հանրապետութեան  դեսպանը՝ Ալեքսանտր Յարութիւնեան  եւ հիւպատոսուհին՝ Էսթեր Մկրտումեան, տեղացի եւ օտար պաշտօնատարներ, դիւանագէտներ, տարբեր կազմակերպութիւններու  եւ այլ գաղութներու ներկայացուցիչներ, պատուոյ հիւրեր, կղերականներ:
DSC_5162Հաւատացեալները խոր երկիւղածութեամբ հետեւեցան  Կարտինալ Փօլիի մատուցուած Սուրբ պատարագին եւ Ցեղասպանութեան զոհերու յիշատակի  հոգեհանգստեան պաշտօնին: Երգեցողութիւնը կատարեց Կոմիտաս երգչախումբը, Մաքրուհի Էօլմէսէքեանի խմբավարութեամբ : Մեներգեց  Ալա  Աւետիսեան իր հմայիչ ձայնով:  
 Եկեղեցական այս հոգեպարար արարողութեան  իրենց մասնակցութիւնը բերին Արժանթին եւ Չիլէի հայոց  թեմի Առաջնորդ՝ Գիսակ Արք Մուրատեան եւ Կաթողիկէ Եկեղեցւոյ առաջնորդ ԷքզարքՎարդան Արք.  Պօղոսեան եւ Առաջնորդ՝ Փաւլօ Եպս. Հեքիմեան եւ ուրիշ եկեղեցականներ Հայ Առաքելական եւ Կաթողիկէ եկեղեցիէն:    
DSC_5254 DSC_5280 DSC_5158 DSC_5139 DSC_5180 DSC_5279
Compartir