Հայաստանի ԱԳՆ-ն դատապարտել է Նիսում տեղի ունեցած հարձակումը

Հայաստանի ԱԳ նախարարությունը դատապարտել է Նիսում տեղի ունեցած արյունալի հարձակումը:

«Հայաստանը վճռականորեն դատապարտում է Նիսում տեղի ունեցած հարձակումը: Խորապես ցավակցում ենք զոհվածների հարազատներին եւ մտերիմներին»,- ասված է ՀՀ ԱԳՆ-ի Twitter-ի պաշտոնական էջում:

Հիշեցնենք, որ Նիսի կենտրոնում բեռնատար ավտոմեքենան մխրճվել է մարդկանց ամբոխի մեջ, ինչից հետո վարորդը կրակ է բացել մարդկանց ուղղությամբ:

Հաղորդվում է շուրջ 70 զոհի եւ ավելի քան 100 վիրավորի մասին:

(News.am)

Compartir